Rotterdam limanında dəhşətli partlayış: Ölənlər və çoxlu sayda yaralılar var

Niderlandın məşhur Rotterdam limanında güclü partlayış baş verib. Nəticədə 1 nəfər həyatını itirib, çoxlu sayda insan yaralanıb.

hadiseler.info xarici KİV-ə istinadən xəbər verir ki, bu barədə şəhər polisi məlumat yayıb. Hadisə limanın “Moezelweg” ərazisində qeydə alınıb və ərazi dərhal mühafizəyə alınıb.

Həmin zonada fəaliyyət göstərən “Gunvor Energy” neft-qaz şirkəti də profilaktik işlər zamanı insidentin yaşandığını və xəsarət alanların olduğunu təsdiqləyib. Məlumata görə, partlayışdan öncə limanın müxtəlif hissələrində elektrik kəsintiləri baş verib. Hüquq-mühafizə orqanları elektrik kəsintisi ilə partlayış arasında əlaqənin olub-olmadığını araşdırır.