Rumıniya qırıcısı dəniz dronunu vurdu

Qara dəniz akvatoriyasında kritik infrastruktura qarşı təhlükənin qarşısı hərbi aviasiya vasitəsilə alınıb.

hadiseler.info xəbər verir ki, Rumıniyanın müdafiə naziri vəzifəsini icra edən Radu Mirutse sosial şəbəkə hesabında bu barədə məlumat paylaşıb. Məlumata görə, Rumıniya Hərbi Hava Qüvvələrinə məxsus “F-16” qırıcısı təhlükəli dəniz dronunu zərərsizləşdirib.

Sahil mühafizə xidməti Konstansadan 80 mil məsafədə, müstəsna iqtisadi zonadakı “Neptun Deep” qaz yatağının perimetrində göyərtəsində partlayıcı olan dəniz dronu təsbit edib. İşçilərin təhlükəsizliyini təmin etmək və platformanı qorumaq məqsədilə dərhal iki “F-16” qırıcısı havaya qaldırılaraq obyekt məhv edilib.