Rusiya Ədliyyə Nazirliyi yeni jurnalistləri “xarici agent” elan etdi

Rusiya Ədliyyə Nazirliyi xarici agentlər reyestrinə yeni adlar əlavə edib.

hadiseler.info xəbər verir ki, nazirliyin rəsmi saytında yayımlanan məlumata əsasən, jurnalistlər Natalya Kiseleva, İqor Sadreev, eləcə də “The Village”, “Kinopoisk” və “Mediazona” nəşrlərinin keçmiş baş redaktoru Miloslav Çemodanov xarici agent elan olunublar.

Jurnalistlər dövlət orqanlarının qərarları və yürüdülən siyasət haqqında yalan məlumatlar yaymaqda, həmçinin arzuolunmaz beynəlxalq təşkilatların materiallarını tirajlamaqda ittiham edilirlər. Yenilənmiş siyahıya həmçinin siyasi xadim Aleksandr Litreyev və politoloq Vsevolod Bedersonun da adları daxil edilib.