Rusiya Kiyevi yenidən vurur: Dron qalıqları yanğın törətdi

Rusiya ordusu Ukraynanın paytaxtı Kiyevə növbəti PUA hücumu həyata keçirib.

hadiseler.info xəbər verir ki, Kiyev meri Vitali Kliçkonun “X” hesabında verdiyi məlumata görə, vurulan dronların qalıqları qeyri-yaşayış binalarının ərazisinə düşərək yanğına səbəb olub. Hadisə yerinə dərhal xilasedicilər və təcili xidmət əməkdaşları cəlb olunub.

Qeyd edək ki, Rusiya qoşunları avqustun 20-nə keçən gecə ballistik və “Tsirkon” hipersəs raketləri, həmçinin PUA-larla Kiyev və ətraf vilayətə kütləvi zərbələr endirib. Hücumlar nəticəsində 15 nəfər həlak olub.