Rusiyadan Xarkova qanlı hücum: İki nəfər həyatını itirdi

Rusiyanın Ukraynanın Xarkov vilayətinə hücumları nəticəsində iki nəfər həlak olub, bir nəfər isə yaralanıb. Hadisələr.info xəbər verir ki, bu barədə Xarkov Vilayət Prokurorluğunun mətbuat xidməti məlumat yayıb.

Məlumata əsasən, səhər saatlarında Kupyansk rayonunun Kovşarovka qəsəbəsinə dronun düşməsi nəticəsində 68 yaşlı kişi həlak olub. Gündüz saatlarında isə Xarkovun Kiyevski rayonunda şəhər qəbiristanlığı ərazisinə “İtalmas” tipli pilotsuz uçuş aparatı zərbə endirib. Nəticədə qəbirlər və qaz borusu zədələnsə də, xəsarət alan olmayıb.

Axşam saatlarında Kupyansk rayonunun Mixaylovka kəndində PUA hücumu nəticəsində 46 yaşlı qadın xəsarət alıb.

Bununla yanaşı, Xarkov vilayətinin Çuquyev rayonunun Vasilyevka kəndində avqustun 7-də həyata keçirilmiş dron zərbəsi nəticəsində 51 yaşlı kişinin həlak olması barədə məlumat avqustun 8-də təsdiqlənib.

Xarkov vilayətində hava zərbələri səngimir

Mülki infrastruktura və yaşayış məntəqələrinə endirilən pilotsuz uçuş aparatı zərbələri bölgədə təhlükəsizlik vəziyyətini gərgin olaraq saxlayır.