“Səfərbərlikdə daha insani yanaşma lazımdır”- Zelenski

Ukrayna Prezidenti Volodimir Zelenski ölkədə həyata keçirilən səfərbərlik sistemində köklü dəyişikliklərin edilməsi tələbi ilə çıxış edib.

hadiseler.info xəbər verir ki, dövlət başçısı özünün “Telegram” kanalında Müdafiə Nazirliyindən səfərbərlik, müqaviləli xidmət və rotasiya məsələlərində “daha insani və sistemli” real təkliflər gözlədiyini bildirib.

Qeyd edək ki, 2022-ci ilin fevralından bəri davam edən ümumi səfərbərlik fonunda ölkədə hərbi komissarlıq əməkdaşları ilə mülki şəxslər arasında tez-tez insidentlər yaşanır. Məcburi saxlanılmalar, ictimai yerlərdəki reydlər və orduya çağırışdan yayınma cəhdləri cəmiyyətdə narazılıq doğururdu. Zelenskinin bu bəyanatı ordudakı təşkilati problemlərin həllinə yönəlmiş addım kimi qiymətləndirilir.