Səfirimiz etimadnaməsini Qazaxıstan Prezidentinə təqdim edib

hadiseler.info xəbər verir ki, Qazaxıstan Prezidenti Kasım-Jomart Tokayev bir sıra dövlətlərin fövqəladə və səlahiyyətli səfirlərinin etimadnamələrini qəbul edib.

Astanadakı Müstəqillik Sarayında keçirilən rəsmi mərasimdə Azərbaycan Respublikasının Qazaxıstandakı fövqəladə və səlahiyyətli səfiri Əlimirzamin Əskərov da etimadnaməsini dövlət başçısına təqdim edib.

Mərasim çərçivəsində Moldova, Vyetnam, Koreya Respublikası, Cənubi Afrika Respublikası, Slovakiya, Almaniya, Sloveniya və Namibiya diplomatları da etimadnamələrini Qazaxıstan Prezidentinə təhvil veriblər.