Sabah 40 dərəcəyədək isti olacaq – Hava proqnozu

Avqustun 25-də ölkə ərazisində gözlənilən hava şəraiti açıqlanıb.

hadiseler.info xəbər verir ki, Milli Hidrometeorologiya Xidmətinin məlumatına görə, Bakıda və Abşeron yarımadasında havanın yağmursuz keçəcəyi gözlənilir. Günorta saatlarında temperatur 31-36° isti təşkil edəcək.

Azərbaycanın rayonlarında da hava şəraiti əsasən yağmursuz olacaq. Lakin günün ikinci yarısında bəzi dağlıq ərazilərdə qısamüddətli az yağış yağacağı və şimşək çaxacağı ehtimal edilir. Havanın maksimal temperaturu gündüz 34-39°, bəzi bölgələrdə isə 40°-dək yüksələcək. Dağlıq rayonlarda temperatur gündüz 23-28° isti arasında dəyişəcək.