Sabah Bakıda və rayonlarda yağış yağacaq

Milli Hidrometeorologiya Xidməti oktyabrın 23-nə olan hava şəraitini açıqlayıb.

hadiseler.info xəbər verir ki, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

Lakin gecə və səhər yarımadanın bəzi yerlərində aralıq yağış yağacağı, şimşək çaxacağı ehtimal olunur. Şimal-şərq küləyi əsəcək. Havanın temperaturu gecə 15-17° isti, gündüz 19-21° isti təşkil edəcək. Atmosfer təzyiqi 767 mm civə sütunu, nisbi rütubət isə 65-75% olacaq.

Bölgələrdə gözlənilən hava şəraiti:

 Azərbaycanın bəzi rayonlarında fasilələrlə yağış yağacağı, ayrı-ayrı yerlərdə yağıntıların intensiv və güclü olacağı, şimşək çaxacağı, dolu düşəcəyi gözlənilir.

 Yüksək dağlıq ərazilərdə qar yağacağı ehtimalı var.

 Axşam saatlarında qərb rayonlarından başlayaraq yağıntılar tədricən kəsiləcək. Gecə və səhər bəzi yerlərdə duman müşahidə olunacaq. Şərq küləyi əsəcək.

 Havanın temperaturu gecə 14-17° isti, gündüz 19-24° isti, dağlıq rayonlarda isə gecə 5-9° isti, gündüz 10-15° isti olacaq.