Sabah hava 34 dərəcəyədək yüksələcək

Sentyabrın 15-də ölkə ərazisində gözlənilən hava şəraiti barədə məlumat yayıb.

hadiseler.info xəbər verir ki, bu barədə Milli Hidrometeorologiya Xidməti məlumat verib.

Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Gecə bəzi yerlərdə zəif duman olacaq, cənub-şərq küləyi əsəcək. Havanın temperaturu gecə 19-22° isti, gündüz 27-32° isti təşkil edəcək. Atmosfer təzyiqi 759 mm civə sütunu, nisbi rütubət gecə 70-75%, gündüz 55-65% olacaq.

Azərbaycanın rayonlarında havanın əsasən yağmursuz keçəcəyi bildirilir. Lakin gündüz bəzi dağlıq ərazilərdə qısamüddətli az yağış yağacağı, şimşək çaxacağı ehtimal edilir. Gecə və səhər dağlarda duman olacaq, şərq küləyi əsəcək. Havanın temperaturu gecə 17-20° isti, gündüz 30-34° isti, dağlarda isə gecə 12-17° isti, gündüz 22-27° isti təşkil edəcək.