Sabah bəzi ərazilərdə leysan yağacaq

Milli Hidrometeorologiya Xidmətinin təqdim etdiyi məlumata əsasən, avqustun 19-da ölkə ərazisində gözlənilən hava şəraiti açıqlanıb.

Bakıda və Abşeron yarımadasında havanın əsasən yağmursuz keçəcəyi, mülayim şimal-qərb küləyinin əsəcəyi gözlənilir. Havanın temperaturu gecə 22-25° isti, gündüz 29-33° isti olacaq. Atmosfer təzyiqi 756 mm civə sütunu, nisbi rütubət isə gündüz 50-55% təşkil edəcək.

Azərbaycanın rayonlarında da hava şəraiti əsasən yağmursuz olacaq. Lakin gündüz saatlarında bəzi dağlıq ərazilərdə qısamüddətli leysan xarakterli yağış yağacağı və şimşək çaxacağı ehtimal edilir. Gecə və səhər dağlıq rayonlarda duman müşahid olunacaq, şərq küləyi əsəcək.

Havanın temperaturu gecə 19-24° isti, gündüz 32-37° isti, dağlarda isə gecə 12-17° isti, gündüz 20-25° isti təşkil edəcək.