Sabahın havası: Bakıda külək, rayonlarda leysan gözlənilir

Bakıda və Abşeron yarımadasında hava şəraitinin əsasən yağmursuz keçəcəyi gözlənilir. Mülayim şimal-qərb küləyi əsəcək.  

hadiseler.info xəbər verir ki, Milli Hidrometeorologiya Xidmətinin yaydığı məlumata əsasən, havanın temperaturu gecə 22-25° isti, gündüz 28-31° isti təşkil edəcək. Atmosfer təzyiqi 759 mm civə sütunu, nisbi rütubət isə gecə 70-75%, gündüz 50-60% olacaq.  

Azərbaycanın rayonlarında bəzi yerlərdə arabir yağış yağacağı, ayrı-ayrı ərazilərdə qısamüddətli leysan xarakterli olacağı və şimşək çaxacağı ehtimal olunur. Yağışın gündüz saatlarında tədricən kəsiləcəyi gözlənilir. Gecə və səhər dağlıq ərazilərdə duman müşahidə olunacaq, şərq küləyi əsəcək.  

Bölgələrdə havanın temperaturu gecə 20-25° isti, gündüz 30-34° isti, dağlarda isə gecə 12-17° isti, gündüz 20-25° isti təşkil edəcək.