Sankt-Peterburqda dəhşətli benzin böhranı: Uzanıb gedən benzin sırası – VİDEO

Rusiyanın ikinci böyük şəhəri olan Sankt-Peterburqda kəskin yanacaq böhranı yaşanır.

hadiseler.info xarici mediaya istinadən xəbər verir ki, şəhərdə fəaliyyət göstərən 175 yanacaqdoldurma məntəqəsindən yalnız 55-də benzin qalıb.

Sosial şəbəkələrdə yayılan görüntülərdən də görünür ki, yanacaqdoldurma məntəqələrinin önündə kilometrlərlə uzanan avtomobil növbələri yaranıb. Sürücülər bir neçə litr benzin ala bilmək üçün 7 saata qədər sıranın çatmasını gözləməli olurlar. Uzun növbələrdə sürücülər arasında tez-tez mübahisələr və gərgin anlar yaşanır. Yanacaq qıtlığı fonunda qara bazarda benzinin bir litri 600–750 rubla qədər yüksəlib.

Böhranın Ukraynanın PUA hücumları nəticəsində Kirishi neft emalı zavodunun fəaliyyətini dayandırması ilə əlaqəli olduğu bildirilir. Rəsmilər problemin oktyabr ayına qədər həll olunmaya biləcəyi barədə xəbərdarlıq ediblər.

Sankt-Peterburqdakı uzun yanacaq növbəsini əks etdirən görüntüləri təqdim edirik: