Sumqayıtda avtobus minik maşını ilə toqquşdu: Yaralılar var- VİDEO

Sumqayıt şəhərində xəsarətlərlə nəticələnən yol-nəqliyyat hadisəsi qeydə alınıb.

hadiseler.info “Report”a istinadən xəbər verir ki, qəza şəhərin Sülh prospektində baş verib.

Məlumata görə, “Mercedes” markalı minik avtomobili ilə “Hyundai” markalı mikroavtobus toqquşub. Qəza nəticəsində 3 nəfər müxtəlif dərəcəli bədən xəsarətləri alıb. Yaralılar dərhal təcili tibbi yardım vasitəsilə xəstəxanaya çatdırılıb.

Hazırda faktla bağlı araşdırma aparılır və qəzanın təfərrüatları dəqiqləşdirilir.