Şəmkirdə faciə: 62 yaşlı kişi elektrik cərəyanı vurması nəticəsində öldü

Şəmkir rayonunda ölümlə nəticələnən bədbəxt hadisə baş verib.

Hadisələr.info “Qafqazinfo”ya istinadən xəbər verir ki, Aşağı Seyfəli kənd sakini, 1964-cü il təvəllüdlü Əli Abıyev elektrik cərəyanının vurması nəticəsində həyatını itirib.

İlkin məlumatlara görə, faciəvi hadisə mərhumun elektrik dirəyində xətti təmir etdiyi zaman qeydə alınıb. O, aldığı güclü elektrik zərbəsindən hadisə yerindəcə dünyasını dəyişib.

Hadisə yerinə dərhal polis və prokurorluq əməkdaşları cəlb olunub. Faktla bağlı Şəmkir Rayon Prokurorluğunda geniş araşdırma aparılır.