Tələbələr bu kartlarla nəqliyyat ödənişlərində 10% bonus qazanacaqlar

Tələbələrin gündəlik nəqliyyat xərclərinə dəstək olmaq məqsədilə “TələbəPlus” vasitəsilə yeni üstünlük istifadəyə verilib.

hadiseler.info xəbər verir ki, tələbələr “BakıKart” üzrə gediş haqqını “TələbəPlus” kartı ilə ödədikdə 10% bonus əldə edə biləcəklər. Sözügedən bonus həm fiziki “TələbəPlus” kartı ilə ödənişlərdə, həm də QR kod vasitəsilə həyata keçirilən gedişlərdə keçərlidir. Tələbələr ilin sonunadək nəqliyyat ödənişlərinə xərclədikləri məbləğin 10%-ni hər hansı gündəlik say limiti olmadan bonus şəklində geri qazanacaqlar. Bilik Günü münasibətilə təqdim edilən bu imkan gənclərin nəqliyyat xərclərini azaltmaqla yanaşı, kartın gündəlik istifadə üstünlüklərini də genişləndirir.

Qeyd olunur ki, Təhsilin İnkişafı Fondu tərəfindən təhsil işçiləri üçün nəzərdə tutulan “TələbəPlus” kartı ilə ictimai nəqliyyatda “City Card” və “BakıKart” üzrə QR ödənişlərində 10% endirim verilir. Təhsilin İnkişafı Fondu, Kapital Bank və “Visa” tərəfindən birgə həyata keçirilən bu layihə tələbələrə nəqliyyat güzəştləri ilə yanaşı, müxtəlif məhsul və xidmətlərdən yararlanarkən əlavə endirim və bonuslar da təqdim edir.