Tailandın naziri; “Öləcəksinizsə, gedin öz ölkənizdə ölün”

Tailandın Baş nazirinin müavini və daxili işlər naziri Anutin Çarnvirakul ölkədə qanunları pozan əcnəbi vətəndaşlara qarşı kəskin bəyanatla çıxış edib.

hadiseler.info xəbər verir ki, bu barədə TASS agentliyi məlumat yayıb.

Sərt bəyanatında hökumət rəsmisi xüsusilə əcnəbilərin ölkə ərazisində özəl qəbiristanlıqlar və dini məkanlar yaratmaq təşəbbüslərinə toxunub. O, xarici vətəndaşların Tailand qanunlarına və yerli mədəniyyətə hörmətlə yanaşmalı olduğunu vurğulayaraq deyib:

“Bu yaxınlarda özəl qəbiristanlıq tikmək barədə bir tələbdən xəbərdar oldum. Bu artıq həddi aşmaqdır. Bura gəlməyinizə icazə verdiyimiz üçün minnətdar olmalısınız. Əgər öləcəksinizsə, gedin öz ölkənizdə ölün, burada ölməyiniz üçün heç bir səbəb yoxdur.”

Nazir, həmçinin əcnəbi sahibkarların restoran açmaq adı ilə icazə alıb, daha sonra həmin obyektlərdən gizli dini mərasimlər üçün keçid kimi tətbiq etməsi hallarının yolverilməz olduğunu bildirib.