Taylandda uşaq bağçasında müəllim güllələnib

Taylandın Çonburi əyalətində uşaq bağçasında ölümcül atışma hadisəsi baş verib.

hadiseler.info “The Straits Times” qəzetinə istinadən xəbər verir ki, yerli polis əməkdaşı uşaq bağçasına daxil olaraq orada müəllimə işləyən həyat yoldaşı ilə mübahisə edib. Daha sonra müəlliməyə atəş açaraq onu qətlə yetirən polis əməkdaşı hadisə yerindən qaçıb.

Hadisə yerinə gələn polis qüvvələri binanı tez bir zamanda mühasirəyə alaraq cinayətkarı saxlayıblar.

Atışma zamanı bağçadan 44 uşaq, 3 müəllim və 3 işçi təxliyə edilib. Hadisənin şahidi olan uşaqlar və işçilərə psixoloji yardım göstəriləcəyi bildirilib. Qətlin səbəbi və motivi hələlik açıqlanmayıb.