Tramp İsrail xalqına müraciət etdi

ABŞ Prezidenti Donald Tramp İsraildə keçiriləcək parlament seçkiləri ərəfəsində İsrail xalqına xüsusi müraciət ünvanlayıb

hadiseler.info xəbər verir ki, Tramp özünə məxsus “Truth Social” sosial şəbəkə hesabında paylaşım edərək Baş nazir Benyamin Netanyahunun yenidən seçilməsinə açıq dəstək verib.

ABŞ lideri müraciətində Netanyahunu “böyük döyüşçü Baş nazir” və “sülh naminə mühüm tərəfdaş” adlandıraraq bildirib:

“Netanyahu İranla mübarizədə böyük döyüşçü Baş nazir, sülh naminə isə daha da böyük tərəfdaş olub. İranın 51 ildir səsləndirdiyi “İsrailə ölüm, Amerikaya ölüm!” şüarını nəzərə alsaq, belə sözlərin səsləndirilməsinə imkan verilən hansı ölkə sağ qala bilər? İranın bu təhdidini həyata keçirməsi yalnız zaman məsələsi olardı. Lakin İran həm hərbi, həm də maliyyə baxımından sistemli şəkildə məhv edilib. Əgər öz yolunu tezliklə dəyişməzsə, işimizi yaxın zamanda başa çatdıracağıq”.
“Əgər İsrailin yanlış lideri olarsa, Amerika bu işi özü görməli olacaq. Mən onun ən çətin dövrlərdə necə davrandığını izləmişəm. Belə vəziyyətlərdə adi kişi və ya qadın təzyiq altında sınardı. Amma o sınmadı, əksinə, daha da gücləndi. ABŞ-nin İsraildən gözlədiyi tərəfdaş məhz belə olmalıdır. Netanyahu heç vaxt məyus etməyəcək!”

Qeyd edək ki, İsraildə növbədənkənar parlament seçkiləri oktyabrın 27-də keçiriləcək.