Türkiyədə kömür mədəni çökdü: 5 nəfər həlak oldu

Türkiyənin Manisa vilayətinin Soma rayonunda kömür mədənin çökmsəi nəticəsində 5 nəfər həlak olub, 2 nəfər isə xilas edilib.

hadiseler.info xəbər verir ki, bədbəxt hadisə oktyabrın 1-də təmir və yenidənqurma işləri aparılan zaman baş verib. Çökmə nəticəsində 7 nəfər mədənçi dağıntılar altında qalıb.

Xilasedicilər tərəfindən həyata keçirilən axtarış-xilasetmə əməliyyatları nəticəsində 2 işçi sağ çıxarılaraq xəstəxanaya yerləşdirilib. Oktyabrın 3-də daha 3 mədənçinin cəsədinin tapılması ilə axtarış işləri yekunlaşıb və ümumilikdə həlak olanların sayı 5-ə çatıb.

Hadisə ilə bağlı Ədliyyə naziri Akın Gürlekin göstərişi ilə genişmiqyaslı araşdırma başladılıb. Manisa valisi Vahdəttin Özkan yaralanan mədənçilərə baş çəkərək səhhətləri ilə maraqlanıb.