Türkiyədə məktəb önündə silahlı hücum: 4 şagird yaralandı

Türkiyənin Manisa vilayətində məktəb binasının önündə silahlı insident baş verib.

hadiseler.info xəbər verir ki, hadisə Turqutlu rayonunda yerləşən “Niyazi Üzmez” Anadolu Texniki Liseyinin qarşısında qeydə alınıb.

“İhlas Haber Ajansı”nın (İHA) məlumatına görə, məktəb önündə törədilən silahlı hücum zamanı 4 şagird yaralanıb (NTV telekanalının məlumatı).

Hadisədən dərhal sonra əraziyə çoxlu sayda polis və təcili tibbi yardım heyəti cəlb olunub. Baş verən dəhşətli insidentdən həyəcanlanan yerli sakinlər və şagirdlərin valideynləri liseyin qarşısına toplanmağa başlayıblar.

Faktla bağlı hüquq-mühafizə orqanları tərəfindən genişmiqyaslı araşdırma aparılır.