Türkiyədə mikroavtobus yük maşını ilə toqquşdu — Yaralılar var -VİDEO

Türkiyədə yaralanma ilə nəticələnən ağır yol-nəqliyyat hadisəsi baş verib.

hadiseler.info “TRT Haber”ə istinadən “Oxu.Az”ın verdiyi məlumata görə, qəza Bartın vilayətində qeydə alınıb.

Toy qonaqlarını daşıyan mikroavtobusun yük maşını ilə toqquşması nəticəsində 19 sərnişin (o cümlədən üç uşaq) və hər iki nəqliyyat vasitəsinin sürücüsü daxil olmaqla, ümumilikdə 21 nəfər xəsarət alıb. Zərbənin gücündən mikroavtobus yoldan çıxaraq elektrik dirəyinə çırpılıb.

Hadisə yerinə dərhal təcili tibbi yardım və hüquq-mühafizə orqanlarının əməkdaşları cəlb olunub. Yaralılar ilk tibbi yardımdan sonra yerli xəstəxanaya çatdırılıblar.

Faktla bağlı müvafiq qurumlar tərəfindən araşdırma aparılır.