Türkiyədə bəyə qızıl əvəzinə yaşıl iquana bağışladılar- VİDEO

Ankarada evlənən bəyə dostlarından qeyri-adi toy hədiyyəsi gəlib. Dostları ona qızıl əvəzinə ekzotik heyvanlar bağışlayıblar.

hadiseler.info xarici mediaya istinadən xəbər verir ki, uşaqlıqdan ekzotik canlılara böyük maraq göstərən və evində müxtəlif növ heyvanlar saxlayan Buğra Yalçına toy günü yaşıl iquana, uromastiks (tikanquyruqlu kərtənkələ), Peter’s banded skink və çubuq həşəratı hədiyyə edilib.

Buğra Yalçın bildirib ki, bu hədiyyələr onun üçün qızıldan daha dəyərlidir. O, hədiyyə edilən bütün heyvanların Doğa Koruma və Milli Parklar qurumu tərəfindən verilmiş müvafiq sənədlərinin olduğunu qeyd edib.

Ekzotik heyvanlara qulluğun xüsusi diqqət və əmək tələb etdiyini deyən Yalçın, həyat yoldaşının və ailəsinin də onun bu hobbinə dəstək verdiyini bildirib.