Türkiyəli tanınmış jurnalist saxlanıldı

Türkiyənin tanınmış tədqiqatçı-jurnalisti Murad Ağırel hüquq-mühafizə orqanları tərəfindən saxlanılıb.

hadiseler.info xəbər verir ki, bu barədə Türkiyə mətbuatı məlumat yayıb.

Bildirilib ki, fondla bağlı aparılan istintaq çərçivəsində barəsində ev dustaqlığı qərarı verilən M.Ağırelə qarşı hazırda “əmlak dəyərlərinin leqallaşdırılması” (çirkli pulların yuyulması) ittihamı irəli sürülür. Məsələ ilə bağlı Baş Prokurorluğun yaxın saatlarda rəsmi açıqlama verəcəyi gözlənilir.

Qeyd edək ki, Murad Ağırel kapital bazarındakı qanunsuzluqlarla bağlı başlanmış fond istintaqı çərçivəsində Türkiyənin ticarət naziri Ömər Bolatın şikayəti əsasında “şübhəli” qismində dindirilib. Məhkəmə ilk olaraq onun barəsində məhkəmə nəzarəti tədbiri tətbiq etsə də, Baş Prokurorluğun etirazından sonra Sülh Cəza Məhkəməsi jurnalist haqqında ev dustaqlığı qərarı çıxarmışdı.