Ucarda iki minik avtomobili toqquşdu: 6 nəfər xəsarət aldı

Bakı-Qazax magistral yolunun Ucar rayonu ərazisindən keçən hissəsində ağır yol-nəqliyyat hadisəsi baş verib.

hadiseler.info “Qafqazinfo”ya istinadən xəbər verir ki, hadisə magistralın Alpı kəndi ərazisindən keçən hissəsində qeydə alınıb.

Belə ki, “Mercedes” və “Hyundai” markalı minik avtomobillərinin toqquşması nəticəsində 6 nəfər müxtəlif dərəcəli beden xəsarətləri alıb. Yaralılar dərhal Ucar Rayon Mərkəzi Xəstəxanasına yerləşdirilib və onlara tibbi yardım göstərilib.

Faktla bağlı hüquq-mühafizə orqanları tərəfindən araşdırma aparılır.