Vətən Müharibəsi Qəhrəmanına ali hərbi rütbə verildi

Strateji Obyektlərin Mühafizəsi Dövlət Agentliyinin rəis müavini polkovnik Füzuli İmrəliyevin rütbəsi artırılıb.

hadiseler.info xəbər verir ki, Füzuli İmrəliyevə general-mayor rütbəsi verilib.

Qeyd edək ki, Füzuli İmrəliyev Vətən müharibəsi zamanı Daxili Qoşunların “Kobra” Xüsusi Təyinatlı Dəstəsinin komandiri olub. O, Hadrut və Şuşa istiqamətlərində gedən döyüşlərdə fəal iştirak edib, Daşaltı əməliyyatı zamanı yaralanıb. Füzuli İmrəliyev 2020-ci il dekabrın 9-da Prezident İlham Əliyevin Sərəncamı ilə “Vətən Müharibəsi Qəhrəmanı” fəxri adına layiq görülüb.