Vətəndaşı təhqir edən idarə rəisi işdən çıxarıldı

Şəmkir Suvarma Sistemləri İdarəsinin rəisi Alim Abbasov tutduğu vəzifədən azad edilib.

hadiseler.info “Oxu.Az”a istinadən xəbər verir ki, bununla bağlı Azərbaycan Dövlət Su Ehtiyatları Agentliyinin (ADSEA) sədri Zaur Mikayılov müvafiq əmr imzalayıb.

Agentlik sədrinin digər əmri ilə Şəmkir Suvarma Sistemləri İdarəsinin rəisi vəzifəsinə Müşfiq Mehdixanov təyin olunub.

Qeyd edək ki, bir qədər əvvəl sosial şəbəkələrdə A.Abbasovun vətəndaşı təhqir etməsini əks etdirən videoobyekt görüntüləri yayılmış və ictimaiyyətin narazılığına səbəb olmuşdu.