Viza rejimi ləğv edilir: Azərbaycanlılar daha 34 ölkəyə sərbəst gedə biləcək

Azərbaycan vətəndaşlarının vizasız gediş-gəliş edə biləcəyi ölkələrin siyahısı genişləndirilir.

hadiseler.info xəbər verir ki, bu addım “Azərbaycan Respublikasında turizmin inkişafına dair 2026–2030-cu illər üçün Dövlət Proqramı”nın Tədbirlər Planında əksini tapıb.

Sənədə əsasən, ilk mərhələdə 28 hədəf ölkənin vətəndaşları üçün vizasız rejim tətbiq ediləcək, yekun hədəf kimi isə bu göstərici 34 ölkəyə çatdırılacaq. İcra müddəti 2026–2030-cu illəri əhatə edən layihə qarşılıqlı səfərlərin asanlaşdırılmasını nəzərdə tutur. Qeyd edək ki, hazırda Azərbaycan vətəndaşları 95 ölkəyə vizasız səyahət edə bilirlər.