Volodimir Zelenski Hikmət Hacıyevi III dərəcəli “Xidmətlərə görə” ordeni ilə təltif etdi

Ukrayna Prezidenti Volodimir Zelenski Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyevi III dərəcəli “Xidmətlərə görə” ordeni ilə təltif edib.

hadiseler.info xəbər verir ki, bu barədə Ukraynanın Azərbaycandakı fövqəladə və səlahiyyətli səfiri Yuri Qusev sosial şəbəkə hesabında məlumat yayıb.

Diplomatın sözlərinə görə, Ukrayna dövlət başçısı bir sıra beynəlxalq tərəfdaşları və diplomatları müvafiq dövlət mükafatları ilə təltif edib. Təltif olunanlar arasında Azərbaycan-Ukrayna əməkdaşlığının inkişafındakı xidmətlərinə görə Hikmət Hacıyev də yer alıb.

Səfir Yuri Qusev paylaşımında Hikmət Hacıyevi təbrik edərək səmərəli əməkdaşlığa görə təşəkkürünü bildirib.