Xanım atletimiz Avropa birinciliyində 3 medal qazandı

Albaniyanın Dürres şəhərində keçirilən U23 və gənclərin Avropa birinciliyində Azərbaycan atletləri növbəti uğura imza atıblar.

hadiseler.info xəbər verir ki, 86 kq çəki dərəcəsində mübarizə aparan Rahilə Hüseynzadə yarışı 2 gümüş və 1 bürünc medalla başa vurub.

Yarışın nəticələri:

 Birdən qaldırma: 94 kq nəticə göstərərək gümüş medal qazanıb.

 Təkanla qaldırma: 115 kq nəticə ilə bürünc medala yiyələnib.

 İki hərəkətin cəmi: Ümumilikdə 209 kq nəticə göstərərək Avropa birinciliyinin gümüş medalını əldə edib.

İdmançıların mükafatlandırma mərasimində AAF-ın vitse-prezidenti Firdovsi Umudov da iştirak edib.

Qeyd edək ki, baş məşqçi Sərdar Həsənov və böyük məşqçi Asif Məmmədovun rəhbərliyi altında yarışa yollanan hər 3 idmançımız (Fuad Həsənov, Qasım İsmayılov və Rahilə Hüseynzadə) fəxri kürsüyə qalxıb. Beləliklə, millimiz turniri ümumilikdə 9 medalla başa vurub.