Yaponiyada zəlzələ baş verdi

Yaponiyanın Kyuşu adasının cənub-şərq sahillərində yeraltı təkanlar qeydə alınıb.

hadiseler.info xəbər verir ki, bu barədə Yaponiyanın seysmoloji xidmət funksiyalarını yerinə yetirən Milli Meteorologiya İdarəsi məlumat yayıb.

Məlumata görə, 5,3 maqnitudalı zəlzələnin ocağı okean dibinin altında, səthə çox yakın dərinlikdə yerləşib. Yeraltı təkanlar Kaqoşima və Miyazaki prefekturalarında evlərin silkələnməsinə səbəb olub.

İlkin məlumatlara əsasən, zəlzələ nəticəsində tələfat, xəsarət alanlar və dağıntılar barədə hər hansı məlumat daxil olmayıb. Nəqliyyatın hərəkəti adi rejimdə davam edir.