Zelenskinin keçmiş mətbuat katibi dövlətə xəyanətdə şübhəli bilinir

Ukrayna Təhlükəsizlik Xidməti (SBU) və Baş Prokurorluq ölkə Prezidenti Volodimir Zelenskinin keçmiş mətbuat katibi Yuliya Mendelin cinayət işi üzrə şübhəli bilindiyini açıqlayıb.

hadiseler.info xəbər verir ki, Yuliya Mendel Ukrayna Cinayət Məcəlləsinin iki ağır maddəsi – hərbi vəziyyət dövründə dövlətə xəyanət, həmçinin Rusiyanın Ukraynama qarşı silahlı təcavüzünə bəraət qazandırma, onu qanuni hesab etmə və ya inkar etmə, eləcə də təcavüzdə iştirak edənləri tərifləmə ittihamları ilə üzləşib.

Qeyd olunan ittihamlar təsdiqini tapacağı təqdirdə, onun əmlakı müsadirə olunmaqla 15 ilədək müddətə azadlıqdan məhrum edilməsi və ya ömürlük həbs cəzasına məhkum olunması mümkündür. SBU onun hazırda xaricdə olduğunu və məsuliyyətə cəlb edilməsi istiqamətində zəruri tədbirlərin görüldüyünü bildirib.

Xatırladaq ki, Yuliya Mendel 2019-cu ilin iyunundan 2021-ci ilin iyulunadək Ukrayna Prezidentinin mətbuat katibi vəzifəsini icra edib. O, vəzifəsindən ayrıldıqdan sonra köşə yazarı kimi fəaliyyət göstərib və xarici KİV-lərə Ukrayna siyasəti ilə bağlı şərhlər verib