16 yaşlı gənc tələbə Gülşən Məmmədli: “Ancaq dərs oxumaqla iş yekunlaşmır”-FOTOLAR

Bu il ali təhsil müəssisələrinə qəbul olan ən gənc tələbə — 16 yaşlı Gülşən Məmmədli qazandığı uğur və gələcək planları barədə Oxu.az-a danışıb.

hadiseler.info Oxu.az-istinadən xəbər verir ki, 621.2 bal toplayan Fikrət Tağıyev adına 72 nömrəli məktəb-liseyin məzunu G.Məmmədli dövlət sifarişi əsasında Naxçıvan Dövlət Universitetinin Stomatologiya ixtisasına qəbul olunub.

Uşaqlıqdan həkim olmaq arzusunda olduğunu bildirən gənc tələbə gələcəkdə təhsilini xaricdə cərrahiyə üzrə rezidenturada davam etdirmək istədiyini deyib. O, bu yolda ailəsinin və müəllimlərinin ona böyük dəstək verdiyini qeyd edib.

Gülşən Məmmədli gələcək abituriyentlərə də tövsiyələrini verib: “Ancaq dərs oxumaqla iş yekunlaşmır, insanın dünyagörüşü də olmalıdır. Ruhdan düşməmək və dincəlmək üçün xüsusi vaxt ayırmaq lazımdır. İnsan özünə inanmalı və gələcəyini ən yaxşı şəkildə qurmaq üçün əlindən gələni etməlidir”.