17 ölkə lideri Bişkekdə bir araya gələcək

Qırğızıstanın paytaxtı Bişkek şəhərində Şanxay Əməkdaşlıq Təşkilatının (ŞƏT) növbəti sammiti keçiriləcək. Təşkilatın 25 illiyinə təsadüf edən yüksək səviyyəli tədbirdə 17 ölkənin lideri və nümayəndə heyətləri, eləcə də BMT-nin Baş katibi Antonio Quterreş iştirak edəcək.

hadiseler.info xəbər verir ki, bu barədə Qırğızıstan Prezidentinin mətbuat xidməti məlumat yayıb.

Məlumatda bildirilir ki, sammitdə ŞƏT-ə üzv olan Rusiya, Belarus, Hindistan, İran, Qazaxıstan, Qırğızıstan, Çin, Pakistan, Tacikistan və Özbəkistan dövlətlərinin başçıları bir araya gələcəklər. Tədbir çərçivəsində regional təhlükəsizlik, iqtisadi əməkdaşlığın dərinləşdirilməsi, nəqliyyat-logistika əlaqələrinin genişləndirilməsi və beynəlxalq gündəmdə duran əsas məsələlərin ətraflı müzakirəsi nəzərdə tutulur.