18 yaşlı azərbaycanlı İsveçdə bələdiyyə şurasına namizədliyini irəli sürdü

İsveçdə keçiriləcək bələdiyyə şurası seçkilərində Mötədillər Partiyasından Yevle şəhərinin bələdiyyə şurasına namizədliyini verən 18 yaşlı azərbaycanlı Rihad Ələkbərov ölkə mediasının diqqət mərkəzinə düşüb.  

hadiseler.info AZƏRTAC-a istinadən xəbər verir ki, İsveçin SVT telekanalı Yevle bələdiyyə şurasına ən gənc və ən yaşlı namizədlər haqqında xüsusi reportaj hazırlayıb.  

Namizədlər arasında yaş fərqi 77 il təşkil edir:  

 Ən gənc namizəd: Cəmi bir neçə gün əvvəl 18 yaşı tamam olan Rihad Ələkbərov.  

 Ən yaşlı namizəd: Yaşıllar Partiyasının 95 yaşlı yamaykaəsilli nümayəndəsi Ken Kubulenso.  

Rihad Ələkbərov müsahibəsində öz partiyasının əksər üzvlərindən fərqli olaraq, İsveçdə alkoqol satışında dövlət inhisarının saxlanılmasını dəstəklədiyini bildirib. 95 yaşlı Ken Kubulenso isə gənc namizədə xeyir-dua verərək onu siyasətdə addımlamağa və cəmiyyətin inkişafı üçün çalışmağa çağırıb.