Dehlidə tələbə yataqxanası uçdu: Ölənlər və dağıntılar altında qalanlar var

Hindistanın paytaxtı Yeni Dehlidə beşmərtəbəli yataqxana binası uçub.

hadiseler.info xəbər verir ki, hadisə Dehli Universiteti kampusunun yaxınlığında, Satya-Niketan ərazisində yerləşən özəl “Hostel Days” yataqxanasında qeydə alınıb. Binanın uçması zamanı zirzəmidə təmir işlərinin aparıldığı bildirilir.

Hadisə nəticəsində ən azı 3 nəfər həlak olub, 2 nəfər ağır yaralanıb, 6 nəfər isə xilasedicilər tərəfindən xilas edilib. Yanğınsöndürmə və polis xidmətinin verdiyi məlumata görə, 30-40 nəfərin hələ də dağıntılar altında qaldığı ehtimal olunur. Hadisə yerində axtarış-xilasetmə işləri davam etdirilir.