49 milyon insan kəskin aclıq təhlükəsi ilə üz-üzədir-BMT-dən həyəcan təbili

2027-ci ilin sonunadək dünyada aclıqdan əziyyət çəkən insanların sayı “El-Nino” iqlim hadisəsinin güclənməsi səbəbindən daha 49 milyon nəfər arta bilər.

Hadisələr.info xəbər verir ki, bu barədə BMT-nin Ümumdünya Ərzaq Proqramının (ÜƏP) açıqladığı hesabatda bildirilir.

Təşkilatın məlumatına əsasən, bu təbii prosesin ən kulminasiya həddinin 2026-cı ilin sentyabr–dekabr ayları aralığında baş verəcəyi proqnozlaşdırılır:

“Lakin əkin və məhsul yığımı dövrünə mənfi təsirləri səbəbindən fəsadlar 2027-ci ildə də kəskin hiss olunacaq. 2015-2016-cı illərdə “El-Nino” 60-100 milyon insanın ərzaq təhlükəsizliyinə mənfi təsir göstərmişdi. 2026-2027-ci illərin dalğası isə 2027-ci ilin sonunadək ən azı 49 milyon insanın kəskin ərzaq qıtlığı ilə üzləşməsinə gətirib çıxara bilər”.

Qeyd olunub ki, adıçəkilən hava fenomeninin müəyyən ərazilərə dəqiq fəsadlarını öncədən qabaqcadan söyləmək mürəkkəbdir. Çünki regional hava şəraitinə Hind okeanındakı analoji iqlim amilləri və digər yanaşı təsirlər də bilavasitə nüfuz edir.

Əlavə edək ki, öncələr də mütəxəssislər “El-Nino”nun nəticəsində bölgədə temperaturların nəzərəçarpan dərəcədə yüksələcəyi haqqında xəbərdarlıq etmişdilər.