Bu gün Beynəlxalq Jurnalistlər Həmrəyliyi Günüdür

Sentyabrın 8-i bütün dünyada Jurnalistlərin Beynəlxalq Həmrəyliyi Günü kimi qeyd olunur.

hadiseler.info xəbər verir ki, dünya mediası üçün böyük əhəmiyyət kəsb edən bu əlamətdar tarixin təsis olunması barədə qərar 1958-ci ildə Rumıniyanın paytaxtı Buxarestdə keçirilən Beynəlxalq Jurnalistlər Təşkilatının IV Konqresində qəbul edilib.

Xüsusi gün 1943-cü il sentyabrın 8-də faşistlər tərəfindən qətlə yetirilmiş məşhur çexiyalı jurnalist, publisist və ictimai xadim Yulius Fuçikin xatirəsinə həsr olunub. Bu tarix bütün dünyada mətbuat azadlığının, peşə həmrəyliyinin və obyektiv informasiya mübarizəsinin rəmzi sayılır.