“Sabah” yeni transferini açıqladı

Azərbaycan çempionu “Sabah” heyətini yeni hücumçu ilə gücləndirib.

hadiseler.info xəbər verir ki, Bakı təmsilçisi Portuqaliyanın “Jil Visente” klubundan braziliyalı hücumçu Karlos Eduardonu 1 illik icarəyə götürüb.

İcarə müqaviləsində “Sabah”ın 24 yaşlı oyunçunun transfer hüquqlarını tam əldə etməsi üçün satınalma opsiyası da nəzərdə tutulub.

Karlos Eduardo karyerası ərzində Braziliyanın “Bruske” (2020), Portuqaliyanın “Nasional” (U-19, 2020–2021), “Maritimu”nun B və əsas komandalarında (2021–2024), həmçinin “Felqeyraş”da (2024–2025) çıxış edib.