Zubir klubsuz qaldı

“Qarabağ”la yollarını ayıran təcrübəli fransalı futbolçu Abdullah Zubir karyerasında gözlənilməz problemlə üzləşib.

hadiseler.info xəbər verir ki, futbolçunun yeni transfer olunduğu Səudiyyə Ərəbistanının “Əl-Uruba” klubu maliyyə təminatını vaxtında verə bilmədiyi üçün Zubirin qeydiyyatını həyata keçirə bilməyib.

Bu səbəbdən komandada çıxış etmək imkanından məhrum olan 33 yaşlı yarımmüdafiəçi hazırda azad agent statusundadır.

Qeyd edək ki, Abdullah Zubir 8 il boyu “Qarabağ”ın şərəfini qoruyub. O, Ağdam təmsilçisinin heyətində keçirdiyi 379 matçda 79 qol vurub və 96 məhsuldar ötürmə müəllifi olub. Təcrübəli oyunçu ötən mövsüm klubla Çempionlar Liqasının oyunlarında da mübarizə aparmışdı.