Azərbaycanla BMT arasında imzalanmış Töhfə Sazişi təsdiqləndi

Azərbaycanla BMT arasında Şərqi Zəngəzurun inkişafı üzrə Töhfə Sazişi təsdiqləndi

Azərbaycan Respublikası Hökuməti ilə Birləşmiş Millətlər Təşkilatının (BMT) Məskunlaşma Proqramı arasında imzalanmış Töhfə Sazişi təsdiq edilib.

hadiseler.info xəbər verir ki, Prezident İlham Əliyev “Azərbaycan Respublikasının Şərqi Zəngəzur iqtisadi rayonunda ağıllı, davamlı və inklüziv yaşayış məntəqələrinə doğru – Dayanıqlı şəhər inkişafı üçün inteqrə olunmuş ərazi planlaşdırması” layihəsinin icrasını nəzərdə tutan fərman imzalayıb.

2026-cı il iyulun 15-də Nyu-York şəhərində imzalanmış Töhfə Sazişi qüvvəyə mindikdən sonra onun müddəalarının icrasını Azərbaycan Respublikasının Dövlət Şəhərsalma və Arxitektura Komitəsi təmin edəcək. Eyni zamanda, Azərbaycan Respublikasının Xarici İşlər Nazirliyinə sazişin qüvvəyə minməsi üçün zəruri dövlətdaxili prosedurların tamamlandığı barədə BMT Məskunlaşma Proqramının Katibliyinə bildiriş göndərmək tapşırılıb.