ABŞ-də 16 yaşlı yeniyetmə məktəbə atəş açdı

ABŞ-nin Oreqon ştatının Bend şəhərində yerləşən ibtidai məktəblərdən birində 16 yaşlı yeniyetmənin atəş açması nəticəsində 3 şagird və 1 müəllim həlak olub.

hadiseler.info xəbər verir ki, bu barədə BBC yerli polisə istinadən məlumat yayıb.

Həyatını itirən uşaqların 5, 8 və 11 yaşlarında olduğu bildirilir. Hücum nəticəsində 7 yaşlı daha bir şagird və 54 yaşlı müəllim ağır xəsarət alaraq xəstəxanaya yerləşdirilib.

Hüquq-mühafizə orqanlarının məlumatına görə, silahlı şəxs bağlı qapılara atəş açaraq məktəbin binasına daxil olub. Hücum edən yeniyetmənin bu təhsil müəssisəsi ilə hər hansı əlaqəsinin olub-olmadığı hələlik məlum deyil.

Bina daxilinə hücum edən cinayətkar məktəbə girdiyini görən və onu izləyən mülki şəxs – yerli sakin tərəfindən zərərsizləşdirilib. Oreqon qubernatoru Tina Kotek hücum edəni güllələyən şəxsə təşəkkür edərək, onun qəhrəmancasına müdaxilə etdiyini və daha böyük faciənin qarşısını aldığını vurğulayıb.