Qatar qəzasından sonra növbəti istefa – Nazir və qurum rəhbəri vəzifəsindən ayrıldı

İspaniyada 69 nəfərin ölümünə səbəb olan ağır sürətli qatar qəzasından sonra ölkədə istefalar dalğası davam edir.

hadiseler.info xəbər verir ki, nəqliyyat naziri Oskar Puente Santyaqonun istefasından sonra dəmir yolu infrastrukturundan məsul ADIF təşkilatının rəhbəri Luis Pedro Marko de la Pena da vəzifəsindən ayrılıb. De la Pena istefa ərizəsini Baş nazirin müavini və iqtisadiyyat naziri Karlos Kuerpoya təqdim edib. Kuerpo həmçinin Puentenin yerinə müvəqqəti olaraq nəqliyyat və davamlı mobillik naziri təyin olunub.

Qeyd edək ki, oktyabrın 28-də Toledo yaxınlığında baş verən qəza zamanı Madrid-Sevilya xəttində hərəkət edən “Renfe AVE” qatarı saatda təxminən 200 kilometr sürətlə gedərkən siqnal sistemindəki nasazlıq səbəbindən relslərdə dayanan digər qatara çırpılıb. İlkin araşdırmalara əsasən, faciəyə əsas səbəb insan səhvidir. Xatırladaq ki, cari ildə İspaniyada baş verən iki böyük qatar qəzasında ümumilikdə 115 nəfər həyatını itirib.