“Roma” Lorenzo Pelleqrini ilə müqaviləni yenilədi

İtaliyanın “Roma” klubu yarımmüdafiəçisi və yetirməsi olan Lorenzo Pelleqrini ilə yeni sözləşmə imzalayıb. Hadisələr.info xəbər verir ki, bu barədə tanınmış insayder-jurnalist Nikolo Skira məlumat yayıb.

30 yaşlı futbolçu ilə bağlanan yeni müqavilə 2027-ci ilin yayına qədər nəzərdə tutulub. Razılaşmanın şərtlərinə əsasən, müqavilənin müddəti daha bir mövsüm uzadıla bilər. Təcrübəli yarımmüdafiəçinin illik maaşı isə 2,5 milyon avro təşkil edəcək.

Paytaxt təmsilçisinin akademiyasından yetişən Pelleqrini karyerasının böyük hissəsini bu klubda keçirib. O, yalnız 2015-2017-ci illərdə “Sassuolo” komandasının şərəfini qoruyub, daha sonra yenidən doğma klubuna qayıdıb.

Paytaxt klubunda qazanılan uğurlar

Pelleqrini “Roma” ilə 2021/2022 mövsümündə UEFA Konfrans Liqasının titulunu qazanıb. Növbəti mövsüm isə komandası ilə birlikdə Avropa Liqasının finalçısı olub.