Azərbaycan nefti ucuzlaşmaqda davam edir

Dünya bazarlarında “Azeri Light” (CIF) markalı Azərbaycan neftinin qiymətində düşüş qeydə alınıb.

hadiseler.info xəbər verir ki, neftimizin 1 barelinin qiyməti 1,42 ABŞ dolları və ya 1,51 faiz azalaraq 92,55 ABŞ dolları təşkil edib.

Qeyd edək ki, ötən ticarət günündə Azərbaycan neftinin bareli 93,97 ABŞ dollarına satılırdı.

Xatırladaq ki, “Azeri Light” markalı neftin tarixi ərzində ən aşağı qiyməti 2020-ci il aprelin 21-də (15,81 dollar), ən yüksək qiyməti isə 2008-ci ilin iyulunda (149,66 dollar) qeydə alınıb. Builki dövlət büdcəmizdə neftin 1 barelinin orta qiyməti 65 dollar nəzərdə tutulub.