Yay ortasında qar fırtınası: Ağrı dağında gözlənilməz təbiət hadisəsi

Türkiyənin ən yüksək nöqtəsi olan Ağrı dağında zirvə yürüşü edən dağçılar avqust ayında yoğun qar yağışı və çovğuna düşüblər.

hadiseler.info “İHA”ya istinadən xəbər verir ki, yerli və əcnəbi alpinistlərin sevimli marşrutlarından birinə çevrilən Ağrı dağında bələdçi Rəsul Çivaşın rəhbərliyi ilə növbəti zirvə yürüşü təşkil olunub.

Zirvəyə doğru irəliləyən dağçı komandası yüksək ərazilərdə anidən başlayan güclü qar fırtınası və tipi ilə qarşılaşıb. Hava şəraitinin kəskin dəyişməsi nəticəsində zirvəyə yaxın ərazilər qısa müddətdə ağ örtüyə bürünüb və duman səbəbindən görmə məsafəsi əhəmiyyətli dərəcədə azalıb. Çətinliklərə baxmayaraq, dağçılar marşrutlarını davam etdiriblər.