Süleymançılar Camaatının Mərkəzi Yataqxanasında Polis Axtarışı: Rəhbərlikdən Təmkinlilik Çağırışı

Süleymançılar camaatının mərkəzi yataqxanasında polis əməkdaşları tərəfindən genişmiqyaslı axtarış tədbirləri həyata keçirilib. Bu barədə Hadiseler.info xarici KİV-ə istinadən xəbər verir.

Axtarış xəbərini alan çoxlu sayda icma üzvü yataqxana binasının qarşısına toplanıb. Hadisə yerində yaranan sıxlıq fonunda vəziyyətin gərginləşməməsi və hər hansı qarşıdurmanın yaşanmaması üçün camaat rəsmiləri tərəfindən kütləyə müraciət olunub.

Toplaşanlara səslənən rəsmi şəxs təmkinli olmağın vacibliyini bu sözlərlə vurğulayıb:

“Baxın, hamınızdan xüsusilə xahiş edirəm. Biz özümüzə yaraşanı edək, onlar da özlərinə yaraşanı etsinlər. İlk növbədə, baxın, buradan çıxarkən buradakılar təmkinli olmasa, kimsə lüzumsuz bir söz deyər, oraya da eynisi əks olunar. Buna ehtiyac yoxdur…”

Hüquq-mühafizə orqanlarının öz xidməti vəzifələrini icra etdiyini xatırladan camaat nümayəndəsi, polis əməkdaşları binanı tərk edərkən hər kəsdən sakitliyi qorumağı və onları heç bir özbaşınalıq olmadan yola salmağı xahiş edib.

Ərazidə polis qruplarının yoxlama və axtarış işləri davam edir.