Hakkaridə yanan avtomobil külə döndü:Ata və iki oğlu alovların arasından son anda çıxdı-FOTO

Türkiyənin Hakkari vilayətinin Yüksəkova rayonunda hərəkətdə olan avtomobildə baş verən qaz sızması nəticəsində güclü yanğın meydana gəlib.

hadiseler.info “Haber Global”a istinadən xəbər verir ki, M.A.-nın idarə etdiyi nəqliyyat vasitəsi qəfil alovlanmağa başlayıb. Qısa müddətdə böyüyən yanğın bütün avtomobili bürüyüb. Sürücü M.A. və yanında olan iki oğlu alovların arasından son anda çıxaraq ölümün pəncəsindən qurtula biliblər.

Hadisə yerinə dərhal yanğınsöndürənlər, polis və təcili tibbi yardım briqadası cəlb olunub. Yanğınsöndürənlərin müdaxiləsi ilə yanğın söndürülsə də, avtomobil tamamilə yanaraq istifadəyə yararsız hala düşüb. Qaz sızması və partlayış riskinə qarşı ərazidə soyutma işləri aparılıb.

Hadisə zamanı xəsarət alan ata və iki övladına ilk tibbi yardım göstərildikdən sonra onlar Yüksəkova Dövlət Xəstəxanasına yerləşdiriliblər.

Faktla bağlı araşdırmalara başlanılıb.