Şuşa və Xocavəndə növbəti köç karvanı yola salındı – Fotolar

Prezident İlham Əliyevin tapşırığına uyğun olaraq işğaldan azad edilmiş ərazilərə Böyük Qayıdış proqramı uğurla davam etdirilir.

hadiseler.info bildirir ki, növbəti mərhələdə Şuşa və Xocavənd rayonlarının kəndlərinə ailələrin köçürülməsi həyata keçirilib. Şuşanın Kiçik Qaladərəsi kəndinə 11 ailə (39 nəfər) göndərilib.

Eyni zamanda Xocavəndin Quzeyxırman kəndinə 18 ailə (82 nəfər), Güneyxırman kəndinə isə 21 ailə (103 nəfər) köçürülüb.

Köç edən vətəndaşlar respublikanın müxtəlif ərazilərində müvəqqəti məskunlaşmış ailələrdir. Onlar əsasən yataqxana, sanatoriya və inzibati binalarda yaşayırdılar.

Məskunlaşan sakinləri yeni tikilmiş müasir evlər və hərtərəfli şərait qarşılayır.