Məsrur Bərzaninin Ərbildəki ofisi dron hücumuna məruz qaldı

İraqın Kürdüstan regionunun Baş naziri Məsrur Bərzaninin Ərbil şəhərində yerləşən ofisinə PUA hücumu təşkil olunub.

hadiseler.info “Rudaw” nəşrinə istinadən bildirir ki, Baş nazirin ofisi İrana məxsus iki ədəd “Hadid 110” zərbə dronu ilə vurulub. Hücum zamanı Ərbil vilayətinin Pirmam rayonunun təhlükəsizlik xidmətinin rəhbərinin iqamətgahının da hədəf alındığı qeyd olunub.

Hadisə nəticəsində ölənlər və ya yaralananlar barədə məlumat verilməyib.

Yerli hakimiyyət orqanları baş verən hücumu kəskin şəkildə qınayaraq bunu “tamamilə qəbuledilməz” adlandırıblar.